Good Contents Are Everywhere, But Here, We Deliver The Best of The Best.Please Hold on!
Health Promotion Forum of New Zealand Runanga Whakapiki Ake i te Hauora o Aotearoa
Maori, News

I tēnei tau ka tū tētehi o ngā mahi whakapakari o HPF ki Tāmaki Makaurau, arā , ko tō mātou Certificate of Achievement in Introducing Health Promotion. Ia tau, ia tau ka tuku a HPF i ētahi karahipi kia taea te tangata ki te whakauru ēnei mahi akoranga. Ko ēnei karahipi e tuwhera ana ki ngā tāngata katoa o Aotearoa. Ko te utu mō ēnei karahipi he rīpoata.

Nā runga i te whakahauhau a HPF ka āhei ngā tauira ki te kōrero , ki te tuhi hoki i roto i te reo Māori. Ko te kōrero tuhi e whai ake nei nō tētahi o ngā tauira, i roto i tōna reo mai Te Tai Rāwhiti . Ko te kaupapa o tōna kōrero a tuhi ko ōna mahara me ōna whaiwhakaaro i runga tēnei wānanga. Kia ora Tomairangi, e mihi ake tatou ki a koe.

Kei aku nui, aku rahi, aku whakatamarahi ki te rangi,

E tuhi ana au i tēnei reta kia koutou ngā pītau whakarei kua whai whākaaro mōku me tōna ngākaunui ki ngā mahi i horahia ki mua ia mātou i roto i ngā marama kua hipa. I roto i ngā wānanga e rua i haere ai au ki Tamaki Makaurau te ako mai i te rangatira me te kaiārahi rongonui ā Trevor Simpson. Ko ngā akoranga i ākona e au i roto i āua wiki e rua ki tōna taha kua kīkī katoa tōku hinengaro i te mātauranga me ngā tikanga e āhei ana ki te ao hauora me ōna painga katoa.

I mua i tōku tīmata i tēnei wānanga kaore au i tino mōhio ki te ia o te Helth promotion, nā tōku hanatū ki ēnei wānanga me te rawe hoki o te āhua whakaako ā Matua Trevor i kaingākaunui au ki tēnei mahi me tōku hiahia te whai i tēnei huarahi o te Health promotion hei tikitki ano mo tōkū mahunga. Ko tā ngā kupu ā tōku pāpā ā Apirana Turupa Ngata ki āu i roto i tōna whakatauākī, “E tipu e rea, mo ngā rā o tōu ao”.

I roto i ngā akoranga nei kua huakina ōku whatu ki te ao e noho nei me ngā uauatanga e pēhī nei i tōku hapu me tōku iwi Māori. Ko ēnei akoranga kua tuhia ki tōku rae hei taonga tuku iho mo tōku whānau, meinga kore mo tēnei kaupapa ka aha mātou te iwi Māori ā te ao hurihuri. Ko tētahi o ōku wawata nui he whai i ngā tapuwae o tōku māmā, he nēhi ā rohe mo Ngati Porou. Nā tōku whai i tēnei huarahi kua whai kē tōku māmā i mua mai i āu kua harikoa tōku ngākau.

Nō reira me mihi ka tika au ki te rōpu nei ā te Health Promotion Forum of New Zealand me tō koutou tautoko i āu me tōku whānau ki te whakatutuki i tēnei tohu hei tikitiki ano mo tōku whānau, tōku hapu me tōku iwi Māori.  Ka hoki ōku mahara ki ngā wānanga me tēra whakataukī “ko te ātaahua o te noho tahi ā ngā teina me ngā tuakana i raro i te whakaaro kotahi” . Mēna kore mo te karihipi i whiwhia e au e kore au e taea te whakatūtūki i tētahi o ōku tino moemoeā, hei whakahoki atu ki tōku iwi nō reira he mihi manahau tēnei ki ngā kaiwāwāo me ngā kaiwhiriwhiri i whakahōnore i āu ki tēnei whiwhinga āu, e kore ngā mihi e taea e te kupu.

Nāku noa

Tomairangi Chaffey-Aupouri

 

 

0

Processing...
Thank you! Your subscription has been confirmed. You'll hear from us soon.
ErrorHere